InterPress.ge xəbər verir ki, bu barədə “Reuters” agentliyi məlumat yayıb.
Aktyorun ailəsinin X sosial şəbəkəsində yaydığı bəyanatda bildirilib ki, ser Patrik Stüart həyat yoldaşı Sanninin qayğısı və yaxınlığı əhatəsində, Los-Ancelesdəki evində dünyasını dəyişib. O, Altsheymer xəstəliyi və Levi cisimcikli demensiya ilə qısa, lakin ağır mübarizədən sonra vəfat edib.
Stüart aktyorluq fəaliyyətinə 18 yaşında başlayıb. O, 1960-cı illərdən etibarən Kral Şekspir Teatrının truppasının üzvü kimi səhnədə canlandırdığı rollarla tanınıb.
Aktyor dünya şöhrətini “Ulduz yolu: Növbəti nəsil” teleserialında kapitan Jan-Lük Pikard və “İks-adamlar” film seriyasında telepat professor çarlz Ksavyer obrazlarını canlandırmaqla qazanıb.
2010-cu ildə Böyük Britaniya kraliçası II Elizabet dram sənətinə verdiyi töhfələrə görə Bukingem sarayında ona cəngavər titulu verib. Bundan sonra o, ser Patrik Stüart kimi tanınıb.