InterPress.ge xəbər verir ki, bunu “Lelo” partiyasının liderlərindən biri Giorgi Sioridze Konstitusiya Məhkəməsində çıxışı zamanı bildirib.
Sioridzenin sözlərinə görə, Gürcüstanın yalnız Rusiyanın qonşusu olduğu üçün onu qıcıqlandırmamaq məqsədilə münaqişədə tərəflərdən birinin mövqeyini tutmalı olduğunu iddia etmək əsassızdır.
“İddia edirlər ki, guya mən Rusiyanı qıcıqlandırırdım və buna görə də fəaliyyətim qadağan edilməlidir. Mənə qarşı son dərəcə ağır ittiham irəli sürülür və buna misal olaraq belə bir fikir göstərilir: Gürcüstan yalnız Rusiyanın qonşusu olduğu üçün Rusiyanı qıcıqlandırmamaq məqsədilə münaqişə tərəflərindən birinin mövqeyini tutmalıdır. Halbuki Finlandiya müharibədən sonra NATO-ya üzv oldu.
Bu paraleli yalnız 2012-ci ilin fevralından sonra yaranmış vəziyyət kontekstində aparıram və Finlandiya ilə bağlı məsələni geniş şərh etmək istəmirəm.
Hesab edirəm ki, hazırda “Gürcü Arzusu”nun danışdığı təhlükələr xəyali xarakter daşıyır və əslində başqa məqsədə xidmət edir”, – deyə Sioridze bildirib.